தேச விடியலுக்காய் தேகம் கொடுத்தவரே எங்கள் வான்பரப்பில் இன்று மிளிருங்கள். மண்ணை நேசித்து விண்ணில் வாழுமெங்கள் மான மறவர்களே ! இன்று நாங்கள் எங்கள் மண்ணில் உம்மை வணங்குகின்றோம். ஆதவனும் மேற்கு  வானில் மெல்ல மறைகிறான் ஆறு ஐந்தாக நேரம் ஆகிறது காற்றும், கடலும், வானும், வயல்வெளியும் ஈழ மண்ணெங்கும் அமைதி கொள்கிறது. நீங்கள் துயில்கின்ற புனித இல்லங்களில் ஜோதி எழுகிறது உங்கள் உணர்வுகளை நெஞ்சில் தாங்கியவாறு நாங்களும் உருதியாகின்றோம். – கற்சிலையூர் நாகேந்தி.    (1999ம் […]

சுனாமி என்றும் சீரழிவின் பினாமி என்றும் என்மேல் முத்திரை குத்தினீர்! உயிர்களைக் குடித்தவன் என்றும் பிணங்களைத் தின்றவன் என்றும் என்மேல் காறி உமிழ்ந்தீர்! கடல் என்றாலே “கருணை” என்று கூறியவர்கள் – இன்று “கொலை” என்று கூசாமல் கூறுகிறீர்! அது- நிலமகள் கொஞ்சம் நிலைகுலைந்து போனதால் கடல் அன்னை செய்த தவிர்க்க முடியாத கொலையென்று எப்போது புரிந்து கொள்வீர்? நடந்தவை முடிந்து நாட்கள் நகர்ந்த பின்னும் என்னை நெருங்க அஞ்சுகிறீர்! “… எங்களுக்குத் தீமை செய்பவர்களை நாங்கள் […]

பூங்காற்றும் பறைசாற்றும் போர் வீரர் உம்முகத்தில் தீர்மானத் தெளிவிருக்கும். உங்கள் உறவுகளை கண் நிறை கனவுகளை தங்க மணி மண்ணுக்காய் தனைப் பரிந்து போர்செய்து எங்களோடு ஒன்றாகி எம்முள் இருந்தவரே ! எங்களுக்காய் உயிர் கொடுத்து எதிரியை வென்றவரே மங்காப் புகழுடன் மாண்டீர் தங்காப் பகையாய் தரை சாய்த்தீர் ஏங்கி நிற்கிறோம் எனினும் உம் நினைவை தாங்கி நடக்கிறோம் எம்மக்கள் எண்ணமதில் எழும் சூரியனானவரே உம கனவு நனவாகும் ஒரு காலம் விடிவுபெறும். – கு.வீரா (1999ம் […]

திருமலையின் செல்லமே எம் இதயச்சுடர் சொர்ணமே ! தலை நிமிர்ந்து சொல்கின்றேன் நான் தமிழன் என்று உன் தாழ் பணிந்து வணங்குகின்றேன் நீ மாவீரன் என்று . வேரோடு உனையளிக்க நீ என்ன விதையற்ற மரமா. உன் இரத்தம் நானிருக்க காலன் உன்னை வெல்லுமா தலைவனின் தம்பி நீ தமிழினத்தின் சொத்து நீ தேசிய தலைவனின் சிந்தனைக்கு செயல் வடிவம் கொடுத்தவன் நீ … என் சேனை தளபதியே கட்டளை தளபதியாய் நீ களமாடிக் கண்ட வெற்றி […]

வைகாசி ( மே ) மாதம் பிறந்தால் உள்ளுணர்வு பகையை எரிக்கும் நெஞ்சுரத்தில் குமுறுகின்றது ஆயினும் சில சுயநலங்களும் பூமிப்பந்தில் விழ்ந்தும் – எழுந்துமாய் அவ்வப்போது ஈழத்தின் நாமம் உரைத்தபடி ….. நெஞ்சினில் தாயக நினைவுகள் சுமந்து மக்களின் அவலத்தை ஊடகத்தில் ஓர் குரலாய் ஒலித்தாய் வஞ்சகத்தினரின் செயலால் இன்று சனல் 4 ஊடகதிநூடாய் காற்றலையில் தவழ்ந்தது உன் கதையும் ஈழத்தாயின் பிள்ளைகளின் கதையும் …. என் போன்று பல இசைப்பிரியாவின் வாழ்வு எம் மண்ணிலே புதைக்கப்பட்டது […]

செய்திசொன்னவள் செய்தியாகிறாள்(இசைப்பிரியா) சேனைகாத்தவன் ஈனப்படுகிறான்( ரமேஸ்) மானங்காத்த தம் துணிமணியுமின்றியே மண்ணின் மைந்தர்கள் மரணமாகின்றார் கையில்சுடுகுழலுடன் காடையன் நிற்கின்று கன்னித்தமிழனை சுட்டுக்கொல்கிறான். கண்களை மட்டுமா கட்டிச்சுடுகிறார்? காலால்உதைய நாயா தமிழினம்? பெண்ணின் பெருமையறியா மிருகங்கள் பெண்மை தின்றபின் பிரதமாக்கவோ? உண்மைஉறங்காதென்பதுண்மையே உலகம் இனியேனும் கண்ணைவிழிக்குமா? அண்ணன்தம்பியாய் வாழசொல்பவர்-தம் அயலாய் ஏற்கவும் விருப்பம் கொள்வரோ? எண்ணம்இன்னும்தான் எம்மைஅழித்திடில்……சிறையினில்…. எறும்பைப்போலுமை நசுக்கிட எம்மைந்தர்கள் எழுந்துவருவாராரோ ஆவிகளாகவே. மிருகத்தின் ரத்தத்தின்உற்பத்தியானவன் உருவத்தில்கூட இன்னும் மாற்றமில்லாதவன் பருவத்தை பண்பையறிவனோ வாழ்வினில்? பாழ்பட்ட பரம்பரை […]

வண்ணக் கலை மகளே.. வசீகரப் புன்னைகையே.. வாய் மொழி இசைக் குயிலே வளைந்தாடிய சித்திரமே சிரித்தபடி செய்தி சொன்ன செந்தமிழ்ச் சகோதரியே – கடல் சேனைகளில் ஓர் தளபதி.. சிறிராமின் சோபனமே சிங்கப்பூர் வீதிகளில் சில்லறைகளைத் தேடி தம் சொந்தங்களை விற்றுவிட்டுச் சூழ்ச்சி வலை விரித்து உன்னைச் சொறிநாய்கள் சீண்டியதோ..?? நீ பட்ட வலிகள் எங்கள் நெஞ்சங்களில் ரணமாக நீறு பூத்த நெருப்பு மீண்டும் நேற்றிலிருந்து எரிகிறது .. சூரியன் இல்லையென்று சுதந்திர தாகம் தீர்ந்திடுமா? சுற்றுலா […]

காலம் எமக்களித்த கற்பகமாய் வந்துதித்த ஞாலம் போற்றும் நம் தலைவர் வாழி ஆழம் கழுத்தில் அணிந்தோர் படையமைத் தெம் அல்லல்கள் தீர்க்க வந்த அண்ணலே நீ வாழி. உள்ளத்தில் உறுதியும் உயர்வான தமிழ்ப் பற்றும் எண்ணத்தில் தமிழர் உயர்வே நினைவாய்க் கொண்டு அல்லும் பகலும் அயராது உழைக்கின்ற நல்லவனே தமிழர் நாயகனே நீ வாழி. தூய மனத்தவனே, துயர் போக்க வந்தவனே, யெம் தாயகம் அமைக்க வந்த தலைவனே நீ வாழி பாயும் புலிப்படையால் எம் பகைவர் […]

ஓயாதா அலைகள் ஓயவில்லை ஒருபோதும் அது உறங்கவில்லை சாகாத பலம் தமிழனுக்கு உண்டு தரணியை மீட்கும் கடமையும் உண்டு போரினை நடத்தும் தலைவா வாழ்க வெற்றியின் மாலை உன் மேனியில் வாழ்க ஈழத்தைச் சுமக்கும் மன்னனே வாழ்க முத்தமிழ் காத்த தலைவனே வாழ்க வெண்ணிலவு உனைச் சேர்ந்ததைய்யா வெற்றியும் உனைச் சூழ்ந்ததைய்யா ஈழ மண்ணும் உன்னை வாழ்த்துமைய்யா எம்மவன் என்று உனைப் போற்றுமைய்யா ஈழத்துத் தேவனே நீ வாழ்க உன்னை ஈன்ற மண்ணும் சேர்ந்து வாழ்க. – […]

அழகினிற்கு ஓவிய நிலவு, வையகம் முற்றாள வல்லான்! உளத்தினிற் பரிவு, வான உச்சியை உரசும் நெடியோன் பழகிடத் தோன்றும், தலைவன் தாயகம் நோக்கும் எழுவான்! நிழலினில் நிற்கும் தமிழர் நினைத்தவா றடைவான் வெற்றி! விழிகள் இரண்டிலு மாயிரம் ஆற்றல்கள் குவியும், அண்ணன் மொழியும் போதினில் உள்ளம் காதலால் உருகும், எம்மைப் புலிகளாய் ஆக்கிய தலைவனால் பூமியே விடியும், அடடா, எலிகளாய் எம்மில் ஏறிட இங்கினி எவரால் முடியும்? அமைதியை ஆக்கி உலகின் ஆசிகள் பெற்றாய் கோடி சமாதானக் […]

வல்வையின் வடிவே: தமிழர் வாசலின் நிமிர்வே ஜயா! சொல்லிய திசையில் சுடரும் சூரிய தேவே! தழுவும் மெல்லிய காற்றே: பாசம் மேலிடும் ஊற்றே: உன்னை அள்ளியே அணைக்க ஆசை ஆவலோடு உள்ளோம் வாராய்! அற்றைத்திங்கள் நீதான். அவ்வெண் நிலவும் நீதான் ஓற்றைக்காற்றும் நீதான், ஓண்டமிழ்க் குரலும் நீதான், கோற்றவைப் பிள்ளை நீதான், கொடியர சாள்வாய் நீதான், இற்றைவரைக்கும் நீதான், இனியும் இனியும் நீதான் நேற்று நீ இருந்தாய் அழகாய் நிலவிலும் நீயே வடிவாய் ஏற்றுமே துதித்தோம்: உன்னில் […]

இன்றிருந்த பகல்தனிலேஞாயிறில்லை! இரவினிலும் நிலவில்லை! விண்மீன் இல்லை! இன்றெரிந்த விளக்கினிலே வெளிச்சம் இல்லை! எண்டிசையும் செடிகொடியில் பூக்கள் இல்லை! இன்றிதழ்கள் ஒன்றிலுமே முறுவல் இல்லை! இன்றெமது நாட்டினிலே பெரியார் இல்லை! எவர்தருவார் ஆறுதல்? இங் கெவரும் இல்லை! கோல்தரித்து நேற்றுலகைத் தமிழன் ஆண்டான்! கொற்றவனை அவனை இழி வாக்கி மார்பில் நூல்தரித்து மேய்ப்போராய் நுழைந்த கூட்டம் நூறு கதை உருவாக்கி “பிரம்ம தேவன் கால்தரித்த கருவினிலே தமிழன் வந்தான் காணீர் என்றுரைத்தமொழி கேட்டுக் கண்ணீர் வேல்தரித்து நெஞ்சில் […]

மேஜர் பாரதி என் இனிய தேசமே! குறிப்பெடுத்துக்கொள். எரியுண்டு சிதையுண்டு போன என் தேசத்தின் காப்பகழி ஒன்றில் எழுகின்ற உணர்வு அலைகளைக் குறிப்பெடுத்துக்கொள். இந்தத் தேசத்தை எப்படிநான் நேசித்தேன் என்று தெரியுமா உனக்கு? கீழ்வானம் எமக்கு எப்போது சிவக்கும்? என் இதயத்தின் துடிப்பிது; கேட்கிறதா உனக்கு? என்னால் விளங்கப்படுத்த முடியவில்லை ஆனாலும் என் தேசமே கறிப்பெடுத்துக்கொள். இன்னும் என் அம்மா என்ற பெயரில் உயிரோடு உலாவும் எலும்புக்கூட்டை நீ கண்டிருக்கிறாயா? ஆம்! கண்டிருப்பாய் நடைப்பிணமாய் திரியும் ‘அதன்’ […]

கப்டன் கஸ்தூரி வெட்டப்பட்ட கரங்கள் வேகமுடன் வளர்கின்றன. முறிக்க முறிக்க முளைவிடும் மூர்க்கமான செடியைப் போல், கத்தரிக்கப்பட்ட கரங்கள் கணுக்களைப் பிரசவிக்கின்றன சிதைக்கப்பட்டவைகள் சிவப்பாக வெடிக்கின்றன.நெரிக்கப்பட்ட குரல்வளைகள் நெருப்பு வரிகளில் முற்றுகையை எதிர்த்து முழக்கமிடுகின்றன. சூடுபட்ட சுவாசப் பைகள், ஆக்கிரமிப்பாளனை அவிப்பதற்கு விடுதலை மூச்சை வெம்மையாக வெளியேற்றுகின்றன. இறந்து போனான் என எதிரியவன் எக்காளமிடுகையில், பிணங்கள் இங்கே பிறவி எடுக்கின்றன. எதிகளே….. துடிக்கப் பதைக்க வதைத்துக் கொல்லுங்கள்; அதனாலென்ன! துண்டிக்கத் துண்டிக்கத் துளிர்ப்பார்கள் வீரர்கள். எங்கள் எல்லை […]

தமிழன் மானம் காக்க தமிழன் மண் காக்க போராடி உயிர் கொடுத்த மாவீரர்களே உங்கள் பாதங்களில் மலர் தூவி வணங்குகின்றேன் நான். பெற்றெடுத்த உள்ளங்களை மறந்து உடன் பிறப்புக்கள் , உறவினர்கள் , நண்பர்கள் அனைவரையும் துறந்து தமிழீழம் ஒன்றே தலையாய தீர்வு என எதிரியுடன் வீரமுடன் போராடி இன்னுயிரை நீத்த இனியவர்களே உங்கள் பெருமைகளை எண்ணி பூரிக்கின்றோம் நாங்கள் ! காடு மேடு தாண்டி நீங்கள் கொடிய விலங்குகள் கடந்து கொட்டும் மழையிலும் கொடிய புயல்க்காற்றிலும் […]

நீண்ட பயணம்…., முடிவு வரும் ஆனால் பாதை கடினமானது. தெரிந்து பயணம் செய்தான் எங்கள் தலைவன். வெற்றிகள் வந்தது தோல்விளும் கூடவே….! பயணத்தின் பாதை அது மிகக் கொடுமையானதாய் கொத்துக் கொத்தாய் விலை கொடுத்தோம் …..! சென்னீரும் கண்ணீரும் சேர்வையாய் குருதியாற்றில் குளிர்தோடிய பயணம் அது முடியும் தருவாயில்…..! இதோ கனவின் கடைசித்துளி நிசமாகியதாய் நினைவு. நாங்கள் வென்றோம்…..! பாதியில் பயங்கரக்கனவு போல் பறிபோன கனவின் மீதமாய் தோற்றுப் போனோம்….! பயணம் முடியாமல் தோல்வியாய் பயணவழி வந்தவர்கள் […]

எழுதுங்களேன் நான் எழுதாது செல்லும் என் கவிதையை எழுதுங்களேன்! ஏராளம்………. ஏராளம்…. எண்ணங்களை எழுத எழுந்துவர முடியவில்லை எல்லையில் என் துப்பாக்கி எழுந்து நிற்பதால். எழுந்து வர என்னால் முடியவில்லை! எனவே எழுதாத என் கவிதையை எழுதுங்களேன்! சீறும் துப்பாக்கியின் பின்னால் என் உடல் சின்னா பின்னப்பட்டு போகலாம் ஆனால் என் உணர்வுகள் சிதையாது உங்களை சிந்திக்க வைக்கும். அப்போது எழுதாத என் கவிதையை எழுதுங்களேன்! மீட்கப்பட்ட – எம் மண்ணில் எங்கள் கல்லறைகள் கட்டப்பட்டால் அவை […]

வன்னியின் வான் பரப்பில் வல்லூறுகளின் எச்சங்கள் – அன்று ஆனந்தக் குயிலின் இசைகேட்டு கண்விழித்தோம் – இன்று பல்குழல் ஒலி கேட்டு தேடினோம் பதுங்குழியை கண்சிமிட்டும் நச்சத்திரத்தை கண்சிமிட்டாமல் பார்த்து ரசித்தோம் கண்ணிமைக்கும் நேரத்தில் வான் அரக்கனின் வக்கிரத்தை கண்டு பயந்தோம் துண்டு துண்டாகிய பள்ளிச் சிறார்கள் கோரமாய் இறந்த கொடுமையைக் கண்டு கொதித்தோம் தொழுது நாங்கள் வாழ்ந்த கோவில் -அங்கே குண்டுகள் வீழ்ந்த செய்தி துண்டுகளாய்த் தமிழன் செத்துமடிந்தான் நாளும் படைநடத்தி வந்தது சிங்களம் பல […]

ஆழ்கடலே ஆர்த்தெழுந்து மீள்குடியை ஏன்- அழித்தாய் ஊர் விடியும் வேளையிலே உறவுகளில் உயிர் குடித்தாய் பாருலகில் பைந்தமிழர் படுதுயர்க்கோர் எல்லையில்லை பேரழிவை ஏன் தொடுத்தாய் பெண்கடலே நீ உரைப்பாய் பெயரளவில் பெண்கடல் நீ பெரும் சீற்றம் கொண்டது – ஏன் பால்வடியும் பாலரையும் பசியாறிக் கொண்டது- ஏன் உன்னை எம் அன்னையென்றே உலாவருவோம் உன்மடியில் அலைமடியால் ஓங்கி அனர்த்தம் ஏன் விளைவித்தாய் அன்னை நீ ஆழித்தாய் ஜயகோ கொடுமை – என்றேன் பின்னர் உணர்ந்து கொண்டேன் பிரளயத்தின் […]

உங்கள் கால்கள் தேடிய எல்லையை அடையும் வரை உங்கள் கரங்கள் ஏந்திய துப்பாக்கி பார்த்த குறியை நோக்கி உங்கள் இதயம் சுமந்து இலட்சிய தாகத்தை சுமந்து உங்கள் உதடுகள் சொல்லத் துடித்த தேசிய கீதத்தைச் சொல்வதற்காய், நீங்கள் சுவாசிக்க நினைத்த ‘சுதந்திரக் காற்றைத்’ தேடிக்கொண்டு உங்கள் கண்கள் கண்ட ‘கனவு’களை நனவாக்க உங்கள் காதுகள் கேட்ட அதே அதே கட்டளை’யின் கீழ் நாங்களும் உங்களை நோக்கித்தான்! உங்களுக்காக நாங்கள் சமர்ப்பிக்கத் துடிப்பது ‘வீரவணக்கங்களை’ மட்டுமே தமிழீழத்தின் ‘விடுதலை’யையும் […]

வெற்றியலை தேசமெங்கும் ஆர்ப்பரித்து மூசுது வேலுப்பிள்ளைபிரபகரன் பேரினையே கூறுது பெற்றெடுத்து எமக்களித்த வல்வை மண்ணுமே பெருமையோடு பொங்கியெழுந்து சிரிக்குது நற்றமிழில் சொல்லெடுத்து நம் தலைவரை நானுமிங்கே பாடிடவே துடிக்கிறேன் வற்றிடாது ஊற்றெடுக்கும் வார்த்தை தேடியே வானளாவ சுற்றிவந்து தவிதவிக்கின்றேன். நாட்டிலுள்ள கலைஞரெல்லாம் ஒன்றுகூடுங்கள் நம் தலைவர் மீதவொரு பரணி பாடுங்கள் எட்டிநடை போடுகின்ற வெற்றி நாளிலே எம் தலைவர் ஐம்பத்தி எட்டாவது அகவை நிறையுமே கொட்டிடவே கைகளிலே முரசு ஏந்துங்கள் கொம்பெடுத்து நாள் முழுவதும் ஊத்தி மகிழுங்கள் […]

முள்ளி வாய்க்கால் முடிவல்ல..! ஆறைந்து ஆண்டுகள் ஏந்திய தாயகம் பற் துறை பல்கலை ஏற்றி வளர்த்து பள்ளிச் சாலை முதல் பறக்கும் விமானம் வரை கட்டி வளர்ப்பதைக் கண்டு மகிழ்ந்தனன் எம் தமிழ் ஈழவர் படு நிலம் கடு நிலம் பச்சை பொன் விளை நிகழ்த்தினர் பெரும் பசி தீர்த்து பெரும் தவம் ஏற்றினர் துலங்கின ஈழ மண் உலகம் வியந்தன மூகடல் நமக்கே நாதம் இசைத்தது. அறம் புறம் அறிந்த செல்வன் புன்னகையோடும் அன்புக் கொள்கைகள் […]

புலம்பெயர் தேசமெங்கும் புலிவீரம் செய்தவனே தமிழீழ மண்ணுக்காய் தடையின்றி உழைத்தவனே விடையேதுமில்லாது வீழ்ந்து போயினையோ முள்ளிவாய்க்கால் மௌனமுன்னை மூச்சடங்க வைத்ததுவோ தாயக விடுதலையை உயிர் மூச்சாய் கொண்டவர்கள் தமிழீழ தேசமெங்கும் விதையாய் கிடக்கின்றார். முள்ளிவாய்க்கால் மண்ணொன்றே பேசுபொருள் ஆகுதென்றால்.. எண்ணிப்பார்! கண்ணீர்க் கடலுள் நீ அமிழ்வாய். பாதுகாப்பு வலயமென பாவியர்கள் கூற பதுங்கு குழி தவிர்த்து மேவிய அப்பாவிகளை, கொத்துக் குண்டுகளால் கோரக் கொலைசெய்து உதிரச் சகதிக்குள் எம்மினத்தைப் புதைத்தாரே! உலகப் பரப்பின் அரக்கத் தனங்களெல்லாம் ஒரு […]

மறக்கத்தான் முடியுமா தமிழருக்கு.. சிங்களத்தின் முள்ளி வாய்க்கால் நெஞ்சை எரித்த இன அழிப்பை…!? ஓடிவா தமிழா.. மே.18….ல் ஒன்றுபடுவோம்..! கவிவரிகள் ஈனச் சிங்களத்தின் இரக்கமற்ற இன அழிப்பு மானத் தமிழ்மறவர் மாண்புக்கு முடிபதிப்பு அறுகம் வேரடா தமிழரின் வளரப்;பு அவர் அழித்திட முடியாத அவதாரபிறப்பு..! அழிவின் விழிம்பில் தமிழர்கள் இல்லையடா அகிலத்தின் விழிப்பு புதியதோர் தென்படா..! வழி வழி தமிழன் வலியின் பிறப்படா விழித்தெழு தமிழா வெற்றி உனக்கடா..! துன்பம் மறைந்து துளிக்கும் இன்பமாய் அன்பின் கருணையே […]

முதல்நாள் இரவு கண்தூங்கும் பொது அம்மா சொன்னாள் நாளை விடிகாலையில் எழும்போது மாவீரர் ஈகைச்சுடரில் விழித்தெழும்படா மகனே என்று அவர் சாவை மிதித்திட நஞ்சுமாலை நெக்ஞ்சிலடா வாழ்வை மதித்தவர் வானம் பிளந்திட கானம் இசைத்திட வையகம் நடந்தவர் தாய் நிலம் காப்பதற்காய் தம்முயிரை ஈகையாக்கி தளராத துணிவுடன் நடந்துவாடா! தாயை மிதித்தவன் தளம்தேடி நடந்தவர் இனியசாவு எப்படி நடந்ததென உனக்குத் தெரியுமாடா? அப்பா எங்கே அண்ணா எங்கே அக்கா எங்கே தங்கை எங்கே….. எதிரிகளம் புகுந்து உயிர்கொடுத்த […]

மற்றவர் வாழ்விற்காக மண்ணிலே புதைந்த வீரமறவர்கள் நாங்கள் வாழ உருகி ஒளிர்ந்த மெழுகுகள் . இரவில் விழியுறங்காது கால் கடுக்கவிருந்து இருளை விரட்டி விடியலை விடுவித்தவர்கள். அகதியாய் அலையாமல் தமிழனின் புதிய வரலாற்றை எழுதிய காவிய நாயகர்கள். முகம் தெரியாத இருட்டு வாழ்க்கைக்கு இடமளிக்காமல் போருக்கு புறப்பட்ட புரட்சிப் பூக்கள். தமிழீழ எல்லைக்கே வேலியாய் நிரைத்த எல்லையோரக் காவலர்கள். தாயவள் விலங்குடைக்க தன்னுயிர் ஈய்ந்திட்ட தற்கொடையாளர் நீங்களன்றோ தமிழீழ காவல் தெய்வம். தி.இளவரசன்  (1995ம் ஆண்டு வரையப்பட்ட […]

சொந்தத் தேவைகளை நிறைவு செய்யாது சொந்தம் விட்டோடி ஈழமண் மீட்பதற்கு சொந்த ஊர்விட்டு சென்றீர் எம்மை சொந்தங்களோடு வாழ வைப்பதற்கே உல்லாசப் பயணங்களை ஊதியெறிந்து உறங்காத தாயக நினைவுடன் மடிந்து உலகம் போற்றும் சரித்திர மனிதர்கள் உங்களை நாம் நாள்தோறும் வணங்குகின்றோம் புயலாய் எழுந்தே தீமைகள் அழித்தீர்கள் புறஞ்செறிந்த காவியம் இங்கே படைத்தீர்கள் புதியதோர் வரலாற்றுப் பாதையிலே நீங்கள். புனிதத்தின் விதையாய் மண்ணில் புதைந்தீர்கள் முகங்கள் எமக்குத் தெரியாது முத்தான உயிரை எமக்கீந்து முடிவொன்று காணப் பிறப்பெடுத்து […]

என் அண்ணனின் தாய் பார்வதியம்மாள்; எனக்கும் தாயானாள் ! எட்டியுதைத்த கால்களிரண்டை மார்பில் தாங்கி எமைச் சுட்டு ஒழித்த கைகளிரண்டை முறித்துப் போட்ட உலகந் தொட்டுநிலைக்கும் புகழது வானில் பறக்க – எமக்கு ஒற்றைத் தலைவனை காலங் – கணித்துப் பெற்றவளே ; சொந்தம் கடலென மண் நிறைந்தும் மருத்துவம் தேடி வந்தவளை – நெஞ்சங் கல்லாகி நிராகரித்த வஞ்சகத்தார் – சுவாசித்த சிறு மூச்சும் வேண்டாமென விட்டவளே ; உள் சுட்ட வடுக்கள் பல யிருக்க […]

அன்னையே தாயே அழியா புகழ் கொண்ட அற்புதமே! ஈழத்தின் புள்ளியை பூமிப்பந்தில் ஈட்டி கொண்டு எழுத வைத்த ஈகைத்தாயே. வீரத்தின் விளை நிலமே விண்ணையும் விஞ்சிய வீரனை விடுதலைக்கு ஈன்றெடுத்த வேங்கைத்தாயே, பாவத்தை அழிக்க வந்த பரவசத்தை பார் போற்ற பிறப்பெடுத்து பாலூட்டி வளர்த்த பார்வதியே! பொக்கிஷமே புண்ணியமே காலத்தால் அழியாத காவலனாம் சூரியனை பெற்றெடுத்த கண்ணகியே,, சொர்ணத்தாயே,,, நீரையும் நெருப்பையும் நிழலாக்கி நிமிர்ந்து நின்ற நாயகியே, சோலை விருட்சம் அம்மா-நீ சொந்தம் நாங்கள் துயரம் கண்டாயோ-எம் […]

விடுதலை வேட்கை சுடராய் விழிகளில் நடனமாட பறந்திடும் கேசத்தோடும் புன்னகை வதனத்தோடும் நடந்தவன் நல்லூர் வீதி மேடையை நாடிச்செல்ல திரண்ட எம் மக்கள் கூட்டம் – தெய்வமே! – என்றழைக்க பஞ்சென வெண்மைக் கேசம் கொண்டதோர் பக்தி மாது பையவே திலீபன் முன்னால் பாதையை மறித்து வந்து கையிலே தாங்கிவந்த அர்ச்சனைத் தட்டைத் தொட்டு விரலிலே விபூதி அள்ளி எம் வீரனின் நுதலில் பூச பௌர்ணமித் திங்களாய் எம் திலீபனோ முகம் ஜொலித்தான். எங்களின் பிரச்சினைக்கு….. எங்களின் […]

தீவினில் ஒரு தீபம் அது வீர தீபம் உடல்தனை உருக்கி உயிரினை அளித்து மூட்டிய தீபம் கார்த்திகை மாதம் மலர்ந்திடும் மலரும் காட்டினில் சிறுத்தையும் வளவினில் செம்பகமும் வீதியில் வாகையும் வணங்கிடும் தீபம் அது வீர தீபம் மக்களின் மனங்களில் மலர்ந்திடும் நினைவுகள் சொரிந்திடும் விழினீரில் உருகியே தாழ்ந்திடும் தீபம் அது வீர தீபம் விடியலின் ஒளிதேட இருளோடு கலந்திட்ட தமிழீழ மைந்தரவர் ஏற்றிய தீபம் அது வீர தீபம் காற்றோடு சாயினும் மழையோடு மாழினும் தமிழீழ […]

மனித நேயத்தின் மகத்துமாக்கள் யாரிந்த மாவீரர்கள் மனித நேயத்தின் மகத்துமாக்கள் மாண்டியிடாது பிறந்த மண்ணுக்கே தங்களை அர்ப்பணித்தார் தாயக விடுதலைக்காய் கார்த்திகை திங்கள் தமிழர் பெருமை கழிப்போடு சொல்லுவோம் கார்த்திகை பூவே கல்லறை காவியங்கள் கை எடுத்து தொழுவதே காலத்தின் மாற்றம் கடமை ஏற்று கனவை நியமக்குவோம் – தமிழ்த்தாய் மகன். “தமிழரின் தாகம் தமிழீழத் தாயகம்”

கார்த்திகை 27! காந்தள் மலர்ந்து கண் சிமிட்டும். வானோடும் முகிலிறங்கி நாடெங்கும் நீர் தெளிக்கும். காற்றோடு குளிர்கலந்து மேனி சில்லிட வைக்கும். தேசத்தின் தெருவெங்கும் எழுச்சியும் புரட்சியுமாய் எழில்எழுந்து கொலுவிருக்கும். அன்றைக்கு மலர்ந்த மலர்களெல்லாம் கல்லறைக்கென்றே மாலையாகும். கனவோடும் நினைவோடும் ஊர்கூடித் தெருவேறும். கல்லறைத் திசை நோக்கி கால் எடுத்துத்தான் நடக்கும் வாச மலர்களோடு பாச மலர்களெல்லாம் கல்லறைக் கோவிலுக்குள்ளே காலெடுத்து வைக்கும். அங்கே! மாவீரத் தெய்வங்கள் உள்ளும் புறமுமாய் உணர்வில் வந்து நிறைவர். ஆன திசையெங்கும் […]