கடற்கரும்பு​லி லெப். கேணல் நீதியப்பன், கடற்கரும்பு​லி மேஜர் அந்தமான் வீரவணக்க நாள் இன்றாகும்.

முல்லை மாவட்டம் கொக்குளாய் கடற்பரப்பில் வைத்து 15.08.1999 அன்று சிறிலங்கா கடற்படையின் டோறா அதிவேக பீரங்கிப் படகு மீதான கரும்புலித் தாக்குதலில் வீரச்சாவைத் தழுவிக்கொண்ட கடற்கரும்பு​லி லெப். கேணல் நீதியப்பன், கடற்கரும்பு​லி மேஜர் அந்தமான் / எழில்வேந்தன் ஆகிய கடற்கரும்புலி மாவீரர்களின் 16ம் ஆண்டு வீரவணக்க நாள் இன்றாகும்.

திருமலை மாவட்டத்திலிருந்து முல்லைத்தீவு கடற்பரப்பில் சுற்றுக்காவல் நடவடிக்கையில் ஈடுபட்டுக் கொண்டிருந்த சிறிலங்கா கடற்படையின் டோறா பீரங்கிப் படகு அணி மீது, அதிகாலை கொக்குளாய் கடற்பரப்பில் வைத்து கடற்புலிகளால் தாக்குதல் தொடுக்கப்பட்டது.

கடுமையான சமர் நடைபெற்றுக் கொண்டிருந்தவேளை சிறிலங்கா கடற்படையின் டோறாப் படகு ஒன்றை மீது கடற்கரும்புலிகள் தமது வெடிமருத்துப் படகினோல் மோதி வெடிக்கவைத்து எத்தனித்த தருணத்தில் டோறா சேதங்களுடன் தப்பிக்கொண்டது.

|| தாய்மண்ணின் விடியலின் தாகம்கொண்டு கடலன்னை மடியில் உறங்கும் உயிராயுதங்கள்……

தாயக விடுதலை வேள்வி தன்னில் தங்கள் உயிரை அர்பணித்து மண்ணை மக்களைக் காத்த மாவீரர்களுக்கு எமது வீரவணக்கங்கள்…!

“புலிகளின் தாகம் தமிழீழத் தாயகம்”