விபரணம் :- ஓயாத அலைகள் 03

வன்னிக் களத்திலும் வட போர்முனைகளிலும் வரலாறு படைத்த விடுதலைப் புலிகளின் வெற்றிச்சமரின் ஒளிப்படத்தட்டுத் தொகுப்பு பாகம் 1, பாகம் 2

ஆயிரமாயிரம் உயிர்களின் உதிரத்தாலும் வியர்வையாலும் கருத்தரித்து வளர்த்த வரலாற்றுக் குழந்தை தமிழீழ தேசமாக விரைவில் பிரப்பெடுக்கப்போகின்றது என்பதைக் கட்டியம் கூறிய ஓயாத அலைகள் – 3 மண்மீட்புச் சமரின் ஒளித்தொகுப்புப் பதிவுகளின் தொகுப்பு பாகம் ஒன்று, பாகம் இரண்டாக உங்கள் முன் விரிகின்றது.

இச்சமர் முழு உலக மானுடத்தையுமே வியப்பிலும் திகைப்பிலும் ஆழ்த்தியது. போரியலில் வீரப்புலிகள் சேனை ஈட்டியுள்ள வளர்ச்சியினையும் முதிர்ச்சியினையும் பறைசாற்றியது. தமிழன் வீரத்தை இப்பூவுலகின் எட்டுத்திக்கும் எடுத்தியம்பிய இப்பெருஞ்சமரினை – இச்சமரில் பங்கெடுத்த தளபதிகளினதும், களமாடிய போராளிகளினதும் கருத்துக்களுடன் – ஓர் ஒளித்தொகுப்பாக, காலத்தின் பதிவாக, வரலாற்று ஆவணமாக வெளியிடுவதில் தேசக்காற்று பெருமை கொள்க்றது.

இவ்வகையான தேசத்தின் காணொளி படைப்புகளை சில விசமிகள் தங்கள் விளம்பரத்துக்கும், போராட்ட விழுமியங்களை வைத்து பணம் சம்பாதிக்கும் நோக்குடனும் பல தடவை காணொளி த் தளத்தில் முறைப்பாடு கொடுத்து அழித்து விட்டனர். ஆயினும் மீண்டும் மீண்டு முயற்சித்தோம் அதே நிலைமைகள் தொடர்ந்து தற்சமயம் எமது காணொளிப் பக்கம் வெறுமைகாகிப்  போனது சில மாதங்கள் ஆயினும் வேறு பக்கம் முயற்சித்து துரிதப்படுத்திய வண்ணம் உள்ளோம்.

அனைத்து விழிகள் தேடும் எம் தேசத்தின் நிழலாடும் நிஜங்களை உங்கள் கண் முன் நிறுத்துவதில் ஏற்பட்ட தாமதத்திற்கு வருந்துகின்றோம்.

மிக விரைவில் தேசக்காற்றின் காணொளிப் பக்கம் சரிசெய்யப்படும்.

“புலிகளின் தாகம் தமிழீழத் தாயகம்”